Jorun Marie Kvernberg legg ut på soloturné i denne veka. På turnéen er det folkemusikken frå Møre og Romsdal som står i høgsetet, og det er også heimfylket som skal få besøk av den allsidige folkemusikaren. Gjennom seks konsertar på Nordmøre og i Romsdal vil Kvernberg servere mellom anna skarpskorne polsdansar og vemodige valsar, sindige bruremarsjar og viltre hallingar. Musikken ber med seg historier om ein pengeforfalskar som må bøte med livet, om ei kyrkje full av mystikk, om ei fele som tryllar fram ungdomsminner og om slåtten som flaut i land etter Tafjordulukka.
På konserten får du høyre fele, hardingfele og song og i enkelte høve alt saman samstundes…
Turnéruta:
23.november Åsen, Surnadal bygdemuseum
24. november Kvamsvågen grendahus, Straumsneset, Tingvoll
25.november Vorpenes gard – Nesset
26. november Gamle Bedehuset – Sekken
27. november Bjørsholbua, Bruhagen – Averøy
28. november Fræna folkebibliotek, Elnesvågen
SOLID musikk 